کورونا کو مذاق سمجھنے والی گلوکارہ کورونا سےچل بسی

مہلک وبا نے پوری دنیا میں پنجے گاڑ لیے ہیں اور اب تک یہ وائرس کروڑوں لوگوں کو متاثر اور لاکھوں کو موت کی وادی میں اتارچکا ہے ، اس کے باوجودبہت سے لوگ اب بھی کورونا کو سنگینی کو سنجیدہ نہیں لے رہے اور اپنے ساتھ ساتھ دوسروں کی زندگیاں بھی خطرے میں ڈال رہے ہیں ۔

 چیک ری پبلک کی  57سالہ معروف   گلوکارہ  ہانا ہورکا  نے سوشل میڈیا پر شئیر کرتے ہوئے لکھا تھا کہ وہ بغیر کسی ویکسین کے اس انفیکشن سے مکمل صحتیاب ہوگئی ہیں اور بہت جلد تھیٹر ، ہوٹلز اور کلبز میں جانے کے لیے ہیلتھ پاس بنوائیں گی۔

گلوکارہ کے بیٹے  جان ریک نے کہا کہ وہ جان بوجھ کر متاثر ہوئی تھیں اور انہوں نے مہلک وبا کو مذاق سمجھا ۔کرسمس کے دوران گلوکارہ کے شوہر اور بیٹے میں کورونا کی تصدیق ہوئی تھی جبکہ وہ دونوں ویکسی نیٹڈ تھے تاہم ان کی والدہ (گلوکارہ ) نے خاندان سے  دوری اختیار نہیں کی تھی ۔

  گلوکارہ کے بیٹے نے  کورونا ویکسین کے خلاف احتجاج کرنے والوں کو اپنی ماں کی موت کا ذمہ دار قرار دیتے ہوئے کہا کہ مجھے افسوس ہے کہ میری ماں نے اپنی فیملی کے بجائے غیروں کی باتوں پر یقین کیا۔

خیال رہے کہ جمہوریہ چیک میں ایک روز میں یومیہ کیسز میں ریکارڈ اضافہ دیکھنے میں آیا ہے ۔