شمعون عباسی نے پریانکا چوپڑا کے ساتھ فلم کرنے سے کیوں انکار کیا؟

تفصیلات کے مطابق شمعون عباسی کا کہنا تھا کہ انہیں بالی وڈ کے مایہ ناز ڈائریکٹر وِشال بھاردواج نے فلم کی پیشکش کی تھی۔

اداکار کا کہنا تھا کہ مجھ سے 2 بار رابطہ کیا گیا، پہلی مرتبہ وشال بھاردواج چاہتے تھے کہ میں ان کی فلم میں کام کروں جس میں  میرے مدمقابل پریانکا چوپڑا تھیں۔

انہوں نے کہا ہے کہ یہ فلم وقت کی کمی کی وجہ سے میں نہیں کرسکا تھا کیونکہ اس وقت میں پہلے ہی پاکستانی فلم 'وار' کی عکسبندی میں مصروف تھا،  میرا اور پریانکا کا وقت سیٹ نہیں ہو پارہا تھا،جس کی وجہ سے مجھے معذرت کرنی پڑی۔

شمعون عباسی کا کہنا تھا کہ دوسری بار ہدایت کار رام گوپال ورما کی جانب سے مجھے فلم کی پیشکش ہوئی تھی،وہ چاہتے تھے کہ میں ان کی ٹیم کے ساتھ 6 سے 7 ماہ کا عرصہ گزاروں، ان کا مقصد تھا کہ پاکستانی اداکار ان کی انڈسٹری کے بارے میں ہر طرح سے آگاہ ہو،لیکن میرے پاس اس کے لیے وقت نہیں تھا۔