آسٹرازینیکا کورونا ویکسین کے مضر اثرات کی شکایات بے بنیاد ہیں ، عالمی اداراہ صحت

غیر ملکی خبر رساں ادارے کے مطابق  3 یورپی ممالک جن میں  ڈنمارک، ناروے اور آئس لینڈ شامل ہیں، ان کا کہنا تھا کہ  آسٹرازینیکا  ویکسین سے شریانوں میں خون کے لوتھڑے بننے کا عمل شروع ہوگیا تھا۔جس کے بعد  آکسفورڈ یونیورسٹی اور آسٹرازینیکا کی تیار کردہ کورونا ویکسین کے ٹیکوں کے لگانے کی مہم کو روک دیا تھا۔ان ممالک کے بعد تھائی لینڈ نے بھی   بلڈ کلاٹنگ کی وجہ سے آسٹرازینیکا کی ویکسی نیشن کو روک دیا تھا۔

آسٹرازینیکا  کا کہنا ہے کہ  کسی ملک کی جانب سے مضر اثرات سے متعلق ٹھوس اعداد و شمار پیش نہیں کیے گئے، یہ مضر اثر کسی بھی ویکسین کے لگانے سے نہیں ہوتا۔

دوسری جانب  ڈبلیو ایچ او کا بھی کہنا ہے  کہ آسٹرازینیکا کی وجہ خون میں خرابی معقول جواز نہیں کیوں کہ کسی بھی قسم کی ویکسین سے ایسا مضر اثر نہیں ہوسکتا ہے۔ ویکسی نیشن معطل کرنے والے ممالک اپنے فیصلے پر نظر ثانی کریں۔عالمی ادارہ صحت کا مزید کہنا تھا کہ ان ممالک کے خدشات دور کرنے کے لیے مشاورتی کمیٹی ویکسین کے محفوظ ہونے کے ڈیٹا کا جائز لے گی۔

آسٹرازینیکا ویکسین استعمال کرنے والے آسٹریلیا اور کینیڈا سمیت کئی ممالک نے کسی بھی قسم کے ری ایکشن کی تردید کرتے ہوئے ویکسین کے نتائج کو بہترین قرار دیا ہے۔