• GNN
صحت

سندھ میں کورونا ویکسینیشن کب شروع ہوگی ؟

کراچی : سندھ میں کورونا ویکسینیشن فروری کے پہلے ہفتے سےشروع ہوگی۔

GNN Web Desk
شائع شدہ 4 years ago پر Jan 29th 2021, 12:22 am
ویب ڈیسک کے ذریعے

تفصیلات کے مطابق   سندھ حکومت نے کورونا ویکسینیشن کے لئے تمام تیاریاں مکمل کرلیں گئی، سندھ میں کورونا ویکسینیشن فروری کے پہلے ہفتے سےشروع ہوگی، پہلے مرحلے میں کراچی حیدرآباد اور بےنظیر آباد اضلاع میں کورونا ویکسین دی جائےگی۔سندھ کو آئندہ چند روز میں کورونا ویکسین کے82ہزار ڈوز موصول ہوجائیں گے۔

جی این این کے مطابق کورونا ویکسین لگانے کے لئے ویکسینیٹرز کی ٹریننگ کی گئی ہے، کراچی میں چار مقامات پر کورونا ویکسین سینٹرز بنائے جائیں گے، پہلے مرحلے میں صرف ہیلتھ کیئر اسٹاف کو کورونا ویکسین دی جائےگی، آئی سی یو,لیبارٹریز اور ایچ ڈی یو میں کام کرنے والے ہیلتھ ورکرز کو ترجیح دی جائےگی۔

سندھ میں نجی وسرکاری اسپتالوں کے ڈیڑھ لاکھ سےزائد ہیلتھ کیئر اسٹاف کو رجسٹرڈ کیاگیاہے، سندھ حکومت نے کورونا ویکسینیشن کے لئے نادرا کےساتھ اشتراک کیا ہے، نادرا کی مدد سے ہر فرد کو خودکار نظام کے زریعے کورونا ویکسین سینٹر اور تاریخ کےبارے میں آگاہ کیاجائےگا۔

آپ کو یہ پسند آسکتا ہے
رجحانات