ویمن یونیورسٹی صوابی میں اسمارٹ فون پر پابندی عائد

ویمن یونیورسٹی صوابی  ترجمان کے مطابق  طالبات  کے کلاسز کے دوران اور یونیورسٹی  کے  حدود میں موبائل فونز کے استعمال پر مکمل پابندی عائد کردی گئی ہے ۔

یونیورسٹی انتظامیہ  نے اپنے اعلامیے میں طالبات کے اسمارٹ فون کے استعمال پر پابندی کی وجوبات بھی بتائی ہیں۔

یونیورسٹی انتظامیہ کے مطابق سوشل میڈیا اپیلی کیشنز سے طالبات کی پڑھائی، اخلاقیات اور کارکردگی متاثر ہو رہی ہے ۔ 

یونیورسٹی ترجمان کے مطابق شکایات میں یہ بات بھی سامنے آئی تھی کہ یونیورسٹی کی حدود میں طالبات کی جانب سے مختلف موبائل ایپس جن میں ٹک ٹاک بھی شامل ہے کا استعمال بڑھ رہا ہے۔

پابندی کے باعث طالبات کو یونیورسٹی میں اسمارٹ فونز اور ای ٹیبلٹس لانے کی اجازت نہیں ہوگی۔

اعلامیے میں کہا گیا کہ یونیورسٹی ڈسپلن پر کسی قسم کا سمجھوتا نہیں کیا جائے گا ، اسمارٹ فونز کے استعمال پر طالبات کے خلاف کارروائی کی جائے گی اور 5 ہزار روپے تک جرمانہ عائد کیا جائے گا۔