اپوزیشن ارکان کی معطلی کا معاملہ،پنجاب حکومت نے مذاکراتی کمیٹی تشکیل دے دی

لاہور: پنجاب اسمبلی میں معطل اپوزیشن ارکان کے خلاف ریفرنس کے معاملے پر حکومت نے اپوزیشن کےساتھ مذاکرات کے لیے کمیٹی تشکیل دے دی ہے۔

پنجاب حکومت کی جانب مذاکراتی کمیٹی میں مجتبیٰ شجاع الرحمان، سلمان رفیق رانا ارشد، سمیع اللہ خان، احمد اقبال، علی حیدر گیلانی، شافع حسین اور شعیب صدیقی شامل ہیں۔

دوسری جانب اپوزیشن کی جانب سے اپوزیشن لیڈر ملک احمد خان بھچر مذاکراتی کمیٹی میں نمائندگی کریں گے، جبکہ پارلیمانی لیڈر علی امتیاز وڑائچ اور صدر لاہور شیخ امتیاز بھی کمیٹی کا حصہ ہوں گے۔

 ذرائع کے مطابق پی ٹی آئی سے اعجاز شفیع اور دیگر رہنماؤں کے نام بھی اسپیکر کو بھجوائے جائیں گے۔

ذرائع کے مطابق اپوزیشن اور حکومتی اتحاد کی مذاکرتی کمیٹی کا دوسرا سیشن اتوار کو ہو گا،جس میں معطل ارکان سے متعلق ریفرنس پر پیش رفت متوقع ہے۔

 ذرائع کے مطابق اگر مذاکرات کامیاب رہے تو سپیکر معطل ارکان کے خلاف ریفرنس واپس لینے پر غور کریں گے۔

خیال رہے کہ چند روز قبل اسپیکر پنجاب اسمبلی ملک احمد خان نے وزیراعلیٰ مریم نواز کی تقریر کے دوران ایوان میں ہنگامہ آرائی کرنیوالے اپوزیشن کے 26 ارکان کو معطل کردیا تھا۔