اسلام آباد:ایف نائن پارک میں ڈکیتی پر مزاحمت، فائرنگ سے فوڈ پانڈا منیجر قتل

اسلام آباد کے ایف نائن پارک میں دوران ڈکیتی مزاحمت پر فائرنگ سے فوڈ ڈیلیوری کمپنی کا بزنس ڈویلپمنٹ منیجرجاں بحق ہوگیا۔ پولیس کا کہنا ہے کہ ملزمان کی گرفتاری کےلیے ٹیمیں تشکیل دے دی ہیں، جلد ملزمان کو گرفتار کرلیں گے۔

واقع کا مقدمہ مقتول کے ساتھی کی مدعیت میں تھانہ مارگلہ میں درج کرلیا گیا۔ مقتول لمز سے گریجوایٹ اور والدین کا اکلوتا بیٹا تھا۔ مدعی مقدمہ کے مطابق مقتول قاسم اعوان لاہور کا رہائشی اور عرصہ ایک سال سے اسلام آباد میں جاب کررہا تھا۔

قاسم اعوان 5 جون کو رات 8 بجے واک کے لیے پارک میں گیا، 8 بج کر 57 منٹ پر کال آئی کہ اسے گولی لگی ہے، ایف نائن پارک کے ایف ٹین گیٹ سے اندر داخل ہوا تودائیں طرف قاسم زخمی حالت میں موجود تھا۔