ایران میں پاکستان کے شجر عباس نے گولڈ اور معید نے کانسی کا تمغہ جیتا

مشہد:ایران میں ہونے والے  دوسرے امام رضا انٹرنیشنل ایتھلیٹکس کپ کے دوسرے روز بھی پاکستان کے دستے نے اپنا تسلط برقرار رکھا۔

200 میٹر کی دوڑ میں  پاکستان کے شجر عباس نے تیز ترین وقت (20.91 سیکنڈ) میں ریس مکمل کرتے ہوئے گولڈ میڈل حاصل کیا۔ 400 میٹر کی دوڑ میں چاندی کا تمغہ جیتنے والے معید بلوچ نے دوسرے دن قومی ریکارڈ اپنے نام کیا، اس بار یہ دوڑ 21.41 سیکنڈز میں مکمل کر کے کانسی کا تمغہ جیتا۔

ایران کے محمد حسین نے 20.99 سیکنڈز کا وقت نکال کر ریس میں دوسری پوزیشن حاصل کی۔ مجموعی طور پر پاکستان نے  دو روزہ بین الاقوامی ایونٹ میں دو چاندی کے تمغے، ایک گولڈ اور ایک کانسی کا تمغہ حاصل کیا۔