سری لنکا نے چوتھے ایک روزہ میچ میں بھی آ سٹریلیا کو شکست دے دی

تفصیلات کے مطابق سری لنکا نے آسٹریلیا کے خلاف سیریز کے چوتھے میں مہمان ٹیم کو 4 رنز سے شکست دے کر سیریز میں 1-3 کی فیصلہ کن برتری حاصل کر لی ہے۔

دونوں ٹیموں کے درمیان سیریز کے طوتھے ایک روزہ میچ میں آسٹریلیا نے ٹاس جیت کر فیلڈنگ کا فیصلہ کیا تو لنکن ٹیم 49 اوورز میں 258 رنز بنا کر آوٹ ہو گئی، سری لنکا کی جانب سے ایسلنکا نے شاندار 110 رنز بنائے جبکہ دننجا ڈی سلوا 60 رنز جوڑنے میں کامیاب رہے۔

آسٹریلین باؤلر مچل مارش نے 29 رنز کے عوض 2 کھلاڑیوں کو آوٹ کیا، پیٹ کمنز اور میتھیو نے بھی 2،2 کھلاڑیوں کو پویلین کی راہ دکھائی۔

آسٹریلین ٹیم لنکن ٹیم کے 258 رنز کے مقابلے میں 254 رنز پر ہی ڈھیر ہو گئی جس میں ڈیوڈ وانر کے 99 رنز اور پیٹ کمنز کے 35 رنز شامل ہیں۔

سری لنکا نے 5 ایک روزہ میچز کی سیریز میں 3-1 کی فیصلہ کن برتری حاصل کر لی ہے،سری لنکا نے آسٹریلیا کو 20 سال بعد ون ڈے سیریز میں شکست دی ہے۔