پی پی کے غنڈوں نے حملہ کرکے ہمارے کارکن کو شہید کردیا :عمران اسماعیل

سماجی رابطے کی ویب سائیٹ ٹوئیٹر پر جاری بیان میں سابق گورنر سندھ عمران اسماعیل نے کہا کہ ٹنڈوآدم میں قیصر خان نامی ہمارے کارکن پر پیپلز پارٹی کے غنڈوں نے حملہ کر کے اسے شہید کردیا ہے۔

انہوں نے قیصر خان کے اہل خانہ سے دکھ کا اظہار کرتے ہوئے کہا کہ پیپلز پارٹی کو اس قتل کا جواب دینا ہوگا، اقتدار کے لیے لاشیں گرانے والے اپنے دھندے سے باز نہیں آئیں گے۔

ٹنڈوآدم میں ہمارے کارکن قیصر خان پر پی پی کے غنڈوں نے حملہ کرکے انہیں شہید کردیا ہے پی پی کو اس قتل کا جواب دینا ہوگا اقتدار کے لیے لاشیں گرانے والے اپنے دھندے سے باز نہیں آئیں گے، میں قیصر خان کے اہل خانہ سے دکھ کا اظہار کرتا ہوں

— Imran Ismail (@ImranIsmailPTI) June 26, 2022

اس سے قبل رہنما تحریک انصاف فرخ حبیب نے بھی اپنے ٹوئیٹ میں کہا کہ ٹنڈو آدم میں پی ٹی آئی کے ایک کارکن کو شہید کردیا گیا ہے، انتخابات میں دھاندلی کے لیے سرعام خون ریزی کروائی جا رہی ہے۔

انتخابات میں دھاندلی کے لئے سرعام خون ریزی کروائی جارہی ہے۔ PTI کارکن کو شہید کردیا گیا ہے https://t.co/gJJ5zV2MOQ

— Farrukh Habib (@FarrukhHabibISF) June 26, 2022