اس حکومت نے مہنگائی کے تمام ریکارڈ توڑ دیئے ہیں : اسد عمر 

تفصیلات کے مطابق تحریک انصاف کے رہنما  اسد عمر نے سماجی رابطے کی  ویب سائٹ ٹوئٹر پر موجودہ حکومت کو نااہل قرار دیتے ہوئے تنقید کا نشانہ بنایا ہے۔

اسد عمر نے اپنے  پیغام میں لکھا کہ موجودہ سرکار کی نااہلی اور عدم دلچسپی کے باعث ملکی معیشت زوال کا شکار ہوگئی ، ایک ہفتےمیں مہنگائی بلند ترین سطح پر پہنچ گئی ہے۔

ان کاکہنا تھا کہ  ‏بنیادی ضروریات کی اشیاء کے افراط زر میں 37 فیصد سے زائد اضافہ ہوا ہے۔

اسد عمر  نے مزید کہا  کہ مہنگائی بلند ترین سطح پر پہنچ گئی ہے اور کرپٹ، نااہل حکمرانوں کے کانوں پر جوں تک نہ رینگی۔

بنیادی ضروریات کی اشیاء کے افراط زر میں 37٪ سے زائد اضافہ. یہ پاکستان کی تاریخ کی بلند ترین سطح ہے. صرف ایک ہفتے میں 3.68٪ کا اضافہ. پاکستان کی تاریخ میں کبھی ایک ہفتے میں اتنا اضافہ نہیں ہوا. امپورٹڈ حکومت نے مہنگائی کے تمام ریکارڈ توڑ دیئے ہیں. #امپورٹڈ_حکومت_نامنظور

— Asad Umar (@Asad_Umar) July 30, 2022