شاہین شاہ آفریدی انجری کے باعث ایشیا کپ سے باہر 

جی این این کے مطابق  پاکستان کرکٹ بورڈ (پی سی بی) میڈیکل ایڈوائزری کمیٹی اور انڈی پینڈنٹ اسپیشلسٹس نے تازہ ترین اسکینز اور رپورٹس کی روشنی میں شاہین شاہ آفریدی کو 4 سے 6 ہفتے آرام کی تجویز دی ہے۔

شاہین آفریدی گال میں سری لنکا کے خلاف پہلے ٹیسٹ میں دائیں گھٹنے کی تکلیف کا شکار ہوئے تھے ،  ممکنہ طور پر  شاہین آفریدی کی نیوزی لینڈ میں اکتوبر میں ہونے والی سہہ فریقی ٹی ٹوئنٹی  سیریز کے لیے کرکٹ میں واپسی ہو گی ۔ 

اے سی سی ٹی ٹونٹی ایشیا کپ کے لئے شاہین آفریدی کے متبادل کا اعلان جلد کردیا جائے گا ۔ 

یاد رہے کہ پاکستان کرکٹ ٹیم  پیر کو روٹرڈیم سے دبئی روانہ ہوگی۔