قومی انسداد پولیو مہم کا آج سے آغاز 

ترجمانِ وزارت صحت کے مطابق ملک کے 86 اضلاع میں آج سے پولیو مہم شروع ہورہی ہے، ‎ ‎‎جنوبی خیبرپختونخوا اور کراچی میں 15اگست سے مہم جاری ہے جبکہ  ‎بلوچستان میں مہم 29 اگست سے شروع ہوگی ۔ 

اس ھوالے سے وزیرصحت ‎ عبدالقادر پٹیل کاکہنا ہے کہ  ‎ ‎وزیراعظم پہلے ہی بچوں کوقطرے پلا کرمہم کا آغازکرچکے ہیں، ‎اس موذی مرض کے خاتمے کے لیے حکومت تمام تروسائل بروئے کارلارہی ہے ، مہم میں 43.3 ملین بچوں کو پولیو سے بچاؤ کے قطرے پلانے کا ہدف ہے۔

انہوں نے مزید کہا کہ  ‎مہم میں 3 لاکھ 92 ہزارفرنٹ لائن ورکرزحصہ لے رہے ہیں ، ‎فرنٹ لائن ورکرز ہمارے قومی ہیروز ہیں ، وفاقی ،صوبائی حکومتیں اور ضلعی انتظامیہ مہم کی کامیابی کے لئے سرگرم عمل ہیں ۔ 

وزیر صحت نے کہا کہ پولیو وائرس ہمارے ماحول میں موجود ہے، ‎وائرس سے بچاؤ کے لئے تمام بچوں تک ویکسین کی رسائی لازمی ہے، ٹول  فری صحت تحفظ ہیلپ لائن 1166 پر والدین کی رہنمائی کی جارہی ہے۔   ‎تمام والدین مہم کی کامیاب میں اپنا بھرپور کردار ادا کریں، ہر مہم میں بچوں کو پولیو سے بچاؤ کے قطرے لازمی پلوائیں ۔