وزیر خزانہ سے  گورنر اسٹیٹ بینک کی ملاقات 

وزارت خزانہ کی جانب سے جاری اعلامیے کے مطابق ملاقات میں معاشی استحکام کے لیے اقدامات کے بارے میں پر غور کیا گیا۔

وزیر خزانہ اسحاق ڈار نے معیشت کی بحالی کے لیے حکومت کے مالیاتی اقدامات بارے میں بتایا، پائیدار معاشی ترقی کے لیے مالیاتی، زری پالیسی میں رابطے کی ضرورت پر زور دیا۔

ملاقات میں گورنر اسٹیٹ بینک نے وزیر خزانہ تعینات ہونے پر اسحاق ڈار کو مبارکباد دی ۔

ملاقات میں گورنر اسٹیٹ بینک نے کہا  کہ نئے وزیر خزانہ آنے سے مارکیٹ میں روپے کی قدر میں بہتری آئی ہے۔ حکومت اور بینک مل کر فارن ایکسچینج مارکیٹ میں ہیرا پھیری کرنیوالوں پر دباؤ ڈالیں گے۔

گورنر اسٹیٹ بینک نے میکرو اکنامک پالیسی اقدامات سے پائیدار ترقی کے ہدف پر بریفنگ دی اور معاشی بحالی کے لیے حکومتی اقدامات کی مکمل حمایت کا اعادہ کیا۔

وزیر خزانہ نے اسٹیٹ بینک کے ڈیجیٹل بینکنگ متعارف کرانے، راست پیمنٹ سسٹم، مالیاتی استحکام اور معاشی ترقی کے لیے اسٹیٹ بینک کے کردار کو سراہا۔