ویمن ایشیا کپ: پاکستان نے بھارت کو شکست دیدی

تفصیلات کے مطابق بنگلہ  دیش کے شہر سلہٹ میں کھیلے گئے میچ میں پاکستان ویمن ٹیم نے ندا ڈار کی شاندار ففٹی کی بدولت پہلے بیٹنگ کرتے ہوئے 137رنز اسکور کیے  جس کے جواب میں بھارتی ٹیم 124 رنز پر ڈھیر ہو گئی۔  پاکستان کی طرف سے دیا گیا 138 رنز کا ہدف  بھارتی ٹیم حاصل نہ کر سکی ۔

ندا ڈار نے ایشیا کپ کے میچ میں 56 رنز کی اننگز کھیلی، ویمنز ایشیا کپ ٹی ٹوئنٹی کے میچ میں ندا ڈار نے بھارت کے خلاف پاکستان کی جانب سے ویمن ٹی ٹوئنٹی کا سب سے بڑا اسکور بھی بنا ڈالا ،  اس سے قبل ویمن ٹی ٹوئنٹی میں کسی پاکستانی پلیئر کا سب سے بڑا اسکور 53 تھا۔

بھارت کی جانب سے رچا گھوش 26 اور دیالان ہیما لٹھا 20 رنز بنا کر نمایاں رہیں جبکہ سمرتی مندھانا نے 17 اور دپیتی شرما نے 16 رنز اسکور کیے۔ 

پاکستان کی جانب سے نشرہ  سندھو نے 3 کھلاڑیوں کو آوٹ کیا جبکہ سعدیہ اقبال اور ندا ڈار نے 2 ،2 وکٹیں حاصل کیں، ایک ایک وکٹ ایمن انور اور طوبی حسن  نے حاصل کی ۔ 

یاد رہے کہ 2016 کے بعد بھارت کو پاکستان کے ہاتھوں پہلی شکست ہوئی ہے ۔  ٹی ٹوئنٹی فارمیٹ میں یہ پاکستان کی بھارت کے خلاف تیسری کامیابی ہے۔ 

A sensational performance! ?

Pakistan earn a 13-run win over India ?#INDvPAK | #WomensAsiaCup2022 pic.twitter.com/3pSTvsP6at

— Pakistan Cricket (@TheRealPCB) October 7, 2022