اچھا فنش نہ کرسکے، غلطیوں سے سیکھیں گے، بابراعظم

میچ کے بعد گفتگو کرتے ہوئے بابر اعظم نے کہا بھارت کی جیت کا کریڈٹ ہارڈیک پانڈیا اور ویرات کوہلی کو جاتا ہے۔

کپتان بابر اعظم نے کہا پر اعتماد ہوں کہ ہم ٹورنامنٹ میں کم بیک کرینگے، وکٹیں لینا چاہ رہے تھے اس لیے مین بولرز پہلے استعمال کیے، شاہین انجری کے بعد آیا ہے اس لیے اسکو تھوڑا وقت دینا چاہئے۔

بابراعظم کا کہنا تھا کہ یہ ایک سخت مقابلہ تھا، ہم نے آغاز میں اچھی بولنگ کی لیکن ویرات اور پانڈیا نے مومنٹم تبدیل کیا اوربھارت کیلئے اچھا گیم فنش کیا۔

بابراعظم نے کہا ہمارے پاس چانس تھا، بولرز سے کہا پراعتماد رہیں اور پلان کے مطابق 100 فیصد کارکردگی دکھائیں۔ افتخار احمد اور شان مسعود نے بہت عمدہ بیٹنگ کی۔