ٹی20 ورلڈکپ : بھارت نے زمبابوے کو 71 رنز سے شکست دے دی 

تفصیلات کے مطابق آئی سی سی ٹی 20 ورلڈ کپ کے سپر 12 مرحلے کے میچ میں بھارت نے پہلے بیٹنگ کرتے ہوئے زمبابوے کو جیت کے لیے 187 رنز کا ہدف دیا تھا۔ 

بھارتی بلے باز  سوریا کمار یادیو 61 رنز بنا کر ناٹ آؤٹ رہے ، کےایل راہول 51، ویرات کوہلی 26، ہاردک پانڈیا 18 اور روہت شرما نے 15 رنز بنائے۔ باس طرح بھارت نے بیس اوورز میں 5وکٹوں کی جانب سے 186 رنز بنائے۔ 

ہدف کا تعاقب زمبابوین بلے بازوں کے لیے آسان نہ تھا، بھارتی بولرز کے سامنے زمبابوے کے بلے باز بے بس دکھائی دیے اور وقفے وقفے سے وکٹیں گنواتے رہے۔ 

ریان برل اور سکندر رضا نے بالترتیب 35 اور 34 رنز کے ساتھ مزاحمت کرنے کی کوشش کی لیکن یہ ٹیم کے لیے سودمند ثابت نہ ہوسکی اور پوری زمبابوین ٹیم 18 ویں اوور میں ڈھیر ہوگئی۔ 

بھارت کی جانب سے روی ایشوین 3 وکٹیں لے کر نمایاں رہے جبکہ ہاردیک پانڈیا اور محمد شامی کے حصے میں دو دو اور اکشر پٹیل، ارشدیپ سنگھ اور بھونیشور کمار کے حصے میں ایک ایک وکٹ آئی۔

اس فتح کے ساتھ بھارت نے گروپ 2 میں ٹاپ پوزیشن پر گروپ اسٹیج کا اختتام کیا جبکہ جنوبی افریقہ کی شکست کے بعد بھارت پہلے ہی سیمی فائنل میں اپنی پوزیشن مضبوط کرچکا تھا ۔ 

اس سے قبل آج کھیلے گئے میچ میں پاکستان نے بنگلا دیش کو 5 وکٹ سے ہرا کر سیمی فائنل کے لیے کوالیفائی کر لیا ہے۔

واضح رہے کہ سیمی فانئل میں پاکستان کا مقابلہ 9 نومبر بروز بدھ جمعرات کو نیوزی لینڈ سے ہوگا جبکہ دوسرے سیمی فائنل میں بھارت کی ٹیم 10 نومبر کو انگلینڈ سے ٹکرائے گی۔

The semi-finals are locked in! ?

Who do you want to see in the #T20WorldCup final? pic.twitter.com/1tNv5OWh1U

— ESPNcricinfo (@ESPNcricinfo) November 6, 2022