انٹربینک میں روپے کی قدر میں اضافہ

تفصیلات کے مطابق انٹر بینک مارکیٹ میں کاروبار کے آغاز پر ڈالر کی قیمت میں 33 پیسے کمی ہوئی ہے جس کے بعد ڈالر 153 روپے 33 پیسے پر آ گیاہے ، ڈالر کمی کے بعد 21 ماہ کی کم ترین سطح 154 روپے سے بھی نیچے آ گیاہے۔

یاد رہے کہ گزشتہ روز ڈالر کی قیمت 153روپے 66 پیسے تھی جس کے بعد ڈالر 153.66 روپے سے کم ہو کر 154.33 روپے پر آ گیا ہے ۔تاہم یورو کےمقابلے میں روپے کی قدر میں 67پیسے کی کمی دیکھی گئی اور ایک یورو 181 روپے 10 پیسے کا ہوگیا۔

انٹربینک میں آج برطانوی پاؤنڈ 60پیسے کمی کے ساتھ 212 روپے 43 پیسے اور سعودی ریال 0.09روپے کمی سے 40 روپے 88 پیسے کا ہوگیا۔

Interbank closing #ExchangeRate for today:https://t.co/lgfDUALJ7V pic.twitter.com/HQb3YW6ePG

— SBP (@StateBank_Pak) April 6, 2021

 دوسری جانب پاکستان اسٹاک ایکسچنج میں کاروبار کا اختتام  ہوا ، کاروباری ہفتے کے دوسرے روز تیزی کا رجحان دیکھا گیا ۔انڈیکس میں اختتام پر 856 پوائنٹس کا اضافہ ہوا جبکہ انڈیکس میں 44 ہزار کی نفسیاتی حد بحال ہوگئی اور انڈیکس 44 ہزار404 کی سطح پر بند ہوا ہے۔