لاہور میں فضائی آلودگی بے قابو

لاہور میں مجموعی شرح آلودگی 193 ریکارڈ کی گئی ہے، جبکہ مختلف علاقوں میں آلودگی کی شرح مختلف ریکارڈ ہوئی ہے، شاہدرہ میں 321، ڈی ایچ اے فیز 8 میں 236، فیز 2 میں 206، فیز 5 میں 194،سید مراتب علی روڈ 194 اور جوہر ٹائون میں شرح آلودگی193 ریکارڈ کی گئی ہے۔

دوسری طرف دن بھر سورج اور بادلوں کے درمیان آنکھ مچولی کا سلسلہ جاری رہے گا، محکمہ موسمیات کے مطابق آئندہ چوبیس گھنٹوں کے دوران بارش کا کوئی امکان نہیں ہے، کم سے کم درجہ حرارت 9 اور زیادہ سے زیادہ 26 ڈگری سینٹی گریڈ ریکارڈ کیا جائیگا۔