شوبز انڈسٹری کی معروف شخصیت ٹونی نوید انتقال کرگئے

رپورٹس کے مطابق ٹونی نوید حرکت قلب بند ہونے  کے باعث  گزشتہ روز جان کی بازی ہار  گئے ،  ٹونی نوید کے انتقال کی خبر نے لالی ووڈ انڈسٹری اور ان کے اہل خانہ سمیت دوستوں و مداحوں کو غمگین کردیا۔

انہوں نے اپنے کیریئر کا آغاز ایک انگریزی زبان کے اخبار کے ثقافتی رپورٹر کے طور پر کیا ۔

1990 کی دہائی میں ٹی وی کیرئیر کا آغاز کیا ، انہوں نے تین پتی، فیملی فرنٹ اور میں ایسا کیوں ہوں میں بھی مختصر اداکاری کی۔  وہ کئی سالوں سے پاکستانی شوبز انڈسٹری کا حصہ تھے۔

ٹونی  لالی وڈ کے انسائیکلوپیڈیا کے طور پر جانے جاتے تھے کیونکہ  وہ پاکستانی سنیما سے متعلق کثیر معلومات رکھتے تھے۔

وہ 2006 میں مارنگ شو میں پاکستانی سینما کے لیے وقف کردہ ایک سیگمنٹ ملائی مار کے کے ایک سنجیدہ فلمی نقاد کے طور پر مشہور ہوئے۔

ٹونی نوید کے انتقال پر پاکستانی شوبز انڈسٹری سے تعلق رکھنے والی شخصیات صدمے سے دوچار ہیں جبکہ سوشل میڈیا پر ان کے لیے دعاؤں کا سلسلہ جاری ہے۔