جنوبی افریقہ کے خلاف ٹی20 اسکواڈ سے ڈراپ کیے جانے پر محمد حفیظ دل برداشتہ

پاکستان کرکٹ بورڈ(پی سی بی) نے جنوبی افریقہ کے خلاف تین ٹی ٹوئنٹی میچز پر مشتمل سیریز کے لیے 20 رکنی قومی اسکواڈ کا اعلان کر دیا۔ کئی بڑے ناموں کو اسکواڈ میں جگہ نہ مل سکی اور فخرزمان،محمد حفیظ، شاداب خان،عبداللہ شفیق،محمد موسیٰ،   عماد وسیم اور وہاب ریاض  کو ٹیم سے ڈراپ کر دیا گیا ہے۔

جنوبی افریقہ کے خلاف ٹی20 اسکواڈ سے ڈراپ کیے جانے پر محمد حفیظ دل برداشتہ ہو گئے اور ٹوئٹر پر پیغام جاری  کر دیا۔ جس میں انہوں نے جنوبی افریقہ کےخلاف قومی اسکواڈ کو شیئر کیا اور ساتھ پیغام لکھا کہ "بے شک اللہ صبر کرنے والوں کے ساتھ ہے"

إِنَّ اللّهَ مَعَ الصَّابِرِينَ ٢:١٥٣
“Indeed ALLAH is with the patient” pic.twitter.com/ff1VLMpmwv

— Mohammad Hafeez (@MHafeez22) January 31, 2021

خیال رہے کہ ٹی ٹین لیگ میں شرکت کے باعث محمد حفیظ  کو ٹیم سے ڈراپ کیا گیا ہے، محمد حفیظ 3 فروری تک ٹی 10 لیگ چھوڑ کر وطن  واپس آنے کے پابند تھے کیونکہ کورونا کے باعث بائیوسکیوئر ببل میں شامل ہونے کی آخری تاریخ 3 فروری ہے۔محمد حفیظ نے 4 فروری کو واپسی کی درخواست کی تھی جسے چیف سلیکٹر کی جانب سے رد کر دیا گیا تھا۔

واضح رہے کہ جنوبی افریقہ کے خلاف تین ٹی ٹوئنٹی میچز پر مشتمل سیریز میں بابر اعظم قومی ٹیم کی قیادت کریں گے دیگرکھلاڑیوں میں حیدرعلی، آصف علی، افتخار احمد، خوشدل شاہ، حسین طلعت، دانش عزیز،  ظفر گوہر، محمد نواز، فہیم اشرف، عامر یامین، عماد بٹ، محمد رضوان، سرفراز احمد، حارث رؤف، شاہین شاہ آفریدی، حسن علی، محمد حسنین، زاہد محمود اورعثمان قادر شامل ہیں۔

پاکستان اور جنوبی افریقہ کے درمیان تین ٹی ٹوئنٹی میچز پر مشتمل سیریز  11 فروری سے لاہور میں شروع ہو گی دوسرا میچ 13 فروری جبکہ تیسرا میچ 14 فروری کو کھیلا جائے گا۔