ملتان سلطان نے تباہی پھیر دی،بولرز نےوکٹوں کی لائن لگا دی،کوئٹہ گلیڈی ایٹرز 110 رنز پر ڈھیر

پی ایس ایل 8 کے تیسرے میچ میں ملتان سلطانز کے بولرز نے تباہی مچادی، کوئٹہ گلیڈی ایٹرز 110 رنز پر ڈھیر ہوگئی، احسان اللہ نے صرف 12 رنز دے کر 5 کھلاڑیوں کو آؤٹ کیا۔

پاکستان سپر لیگ سیزن 8 کا تیسرا میچ ملتان کرکٹ اسٹیڈیم میں کوئٹہ گلیڈی ایٹرز اور ملتان سلطان کے درمیان کھیلا جارہا ہے۔

ملتان سلطانز کے کپتان رضوان احمد نے ٹاس جیت کر فیلڈنگ کا فیصلہ کیا جسے ان کے بولرز نے صحیح ثابت کردیا اور کوئٹہ گلیڈی ایٹرز کی پوری ٹیم کو 18.5 اوورز میں 110 رنز پر ڈھیر کردیا۔

کوئٹہ گلیڈی ایٹرز کو ابتداء سے ہی مشکلات کا سامنا کرنا پڑا، دوسرے اوور میں مارٹن گپٹل صرف 7 رنز بنا کر پویلین لوٹ گئے، 33 کے مجموعے پر عبدل بنگلزئی 1، 37 پر سرفراز احمد 2، 46 پر جیسن رائے 27 اور افتخار احمد صفر وکٹیں گنوا کر چلتے بنے۔

پی ایس ایل 8 کے اب تک 2 میچز کھیلے گئے اور دونوں ہی انتہائی سنسنی خیز رہے ہیں۔ آج کے شیڈول میچ میں ملتان سلطانز نے کوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کرلیا۔

ایونٹ میں ملتان سلطانز ایک میچ کھیل چکی ہے، جس میں اسے لاہور قلندرز کے ہاتھوں ایک رنز سے شکست کا سامنا کرنا پڑا تھا۔

ملتان سلطانز کے کپتان محمد رضوان نے دوسرے میچ میں جیت کا عزم ظاہر کیا ہے۔

پی ایس ایل سیزن 8 میں کوئٹہ گلیڈی ایٹرز آج اپنا پہلا میچ کھیل رہی ہے۔ ٹیم کی قیادت سرفراز احمد کررہے ہیں۔