اونٹوں کیلئے دنیاکاپہلا ٹریفک سگنل نصب

تفصیلات کے مطابق چینی حکام نے ڈنہوانگ شہر میں منگشا پہاڑ اور کریسنٹ اسپرنگ کے مقامات پر اونٹوں کے لیے دنیا کے پہلے ٹریفک سگنل نصب کر دیے ہیں۔ میڈیا رپورٹس کے مطابق  یہ علاقہ سیاحت کیلئے مقبول ہے، اور سیاح یہاں اونٹوں پر بہت شوق سے سواری کرتے ہیں، یہاں  ٹریفک سگنل  نصب کرنے  کا مقصد یہی ہے کہ  اونٹوں کو آپس میں  ٹکراؤ سے بچا یا جا سکے۔ یہ سگنل بھی دوسرے عام ٹریفک سگنلز کی طرح جب سبز ہوں گے تو اونٹ سڑک پار کریں گے، اور سرخ ہوں گے تو اونٹ رُک جائیں گے۔

واضح رہے کہ  منگشا ماؤنٹین کو ’گاتے ریت کے ٹیلے‘ بھی کہا جاتا ہے، کیونکہ جب یہاں تیز ہوا چلتی ہے تو ریت کے ٹیلوں سے گانے یا ڈرم بجانے جیسی آوازیں سنائی دیتی ہیں۔

صحرائی علا قوں  میں اونٹوں کا  کارواں ،  مسافروں اور سامان کو روزانہ یا نیم باقاعدہ بنیادوں پر پوائنٹس کے درمیان لے جاتا ہے۔ اونٹوں  کی سخت  طبعیت کی صلاحیت نے انہیں کئی دہائیوں تک شمالی افریقہ اور جزیرہ نما عرب کے صحرائی علاقوں میں رابطے اور تجارت کے لیے بہترین  بنا دیا  ہے ۔ اونٹوں کو دنیا کے دوسرے حصوں میں بھی محدود بنیادوں پر استعمال کیا جاتا تھاتاہم بیسویں صدی کے اوائل سے  آٹوموبائل یا فضائی سفر  نے اس سفر کی اہمیت کو کچھ کم کردیا ہے ۔