پٹرولیم مصنوعات کی قیمتوں میں اضافہ

آئل اینڈ گیس ریگولیٹری اتھارٹی(اوگرا) نے پیٹرولیم مصنوعات کی قیمتوں میں اضافے کی سمری پیٹرولیم ڈویژن کو بھیجی تھی جس کے بعد حکومت نے ایک بار پھر عوام پر پٹرول بم گرا دیا اور پٹرولیم مصنوعات کی قیمتوں میں  اضافہ کر دیا گیا۔پٹرول کی قیمت میں 2روپے 70 پیسے اضافہ کیا گیا ہے ، جس کےبعد پٹرول کی نئی قیمت  111 روپے 90 پیسے ہوگئی۔ ہائی اسپیڈ ڈیزل کی قیمت میں 2 روپے 88 پیسے اضافے کی منطوری دی گئی۔جس کے بعد ہائی اسپید ڈیزل کی قیمت 116 روپے 7 پیسے ہوگئی۔

ترجمان نے مزید کہا  کہ لائٹ ڈیزل کی قیمت میں 3 روپے کا اضافہ ہو اہے، لائٹ ڈیزل کی قیمت 3 روپے اضافے کے ساتھ 79 روپے 23 پیسے کردی گئی،مٹی کے تیل کی قیمت میں 3 روپے54 پیسے اضافے کی سمری دی گئی۔ مٹی کے تیل کی قیمت 3 روپے چون پیسے اضافے کے ساتھ 80 روپے 19 پیسے ہوگئی۔ قیمتوں میں اضافے کا اطلاق رات 12 بجے سے ہو گا۔

پیٹرولیم ڈویژن کو بھیجی گئی سمری میں آئل اینڈ گیس ریگولیٹری اتھارٹی(اوگرا) نےپیٹرول 12روپے فی لیٹر تک مہنگا کرنے کی تجویز دی تھی جبکہ ڈیزل کی قیمت میں 10 روپے، مٹی کا تیل 7 اور لائٹ ڈیزل ساڑھے 5 روپے فی لیٹر مہنگا کرنے کی سفارش کی گئی تھی۔اوگرا نے سمری 30روپے فی لیٹر لیوی کی بنیاد پر تیار کی تھی۔

واضح رہے کہ وفاقی حکومت نے اس سے قبل 15جنوری کو پیٹرول 3 روپے 20 پیسے مہنگا کرنے کی منظوری دی تھی ، جبکہ ہائی سپیڈ ڈیزل 2 روپے 95 پیسے، مٹی کا تیل 3، لائٹ ڈیزل 4 روپے 42 پیسے اور پٹرول 3 روپے 20 پیسے فی لٹر مہنگا کرنے کی منظوری دی گئی تھی ۔