کوروناوائرس کے پیش نظر بلوچستان میں ایک بار پھر سمارٹ لاک ڈاؤن نافذ

ترجمان بلوچستان حکومت  کے مطابق  ہفتے اور اتوار کو تمام مارکیٹیں مکمل طور پر بند رہیں گی۔ جبکہ رمضان میں مارکٹیں سحری سے شام 6 بجے تک کھلی رکھنے کا حکم جاری کیا گیا ہے ۔بلوچستان میں کورونا وائرس کے پھیلاؤ کی شرح 8 فیصد جبکہ کوئٹہ میں 8 اعشاریہ 6 فیصد ہو گئی۔24 گھنٹوں کے دوران صوبے میں کورونا وائرس کے 82 نئے مریض سامنے آئے ہیں۔

بلوچستان حکومت کا صوبے بھر میں یکم مئی تک سمارٹ لاک ڈاون کا فیصلہ نوٹیفکیشن جاری#Quetta #Balochistan pic.twitter.com/s01mkwfEQS

— فیضان کشمیری (@FaizanBinAslam1) April 16, 2021

دوسری جانب کراچی کے تاجروں نے آج دکانیں  کھلی رکھنے کا اعلان کردیا جبکہ سندھ حکومت کی جانب سے کاروبار بند رکھنے کے احکامات جاری کیے گئے ہیں، دیگر دنوں میں کاروبار کی اجازت سحری سے شام 6 بجے تک ہوگی تاہم کراچی کے علاقے صدر ایمپریس مارکیٹ ، ریگل چوک ، الیکٹرونکس مارکیٹ میں آج تاجروں کی جانب سے دکانیں کھلی ہیں۔

علاوہ ازیں کوئٹہ میں کورونا وائرس کے پھیلاؤ کے باعث مزید 2 سکول بند کر دیئے گئے جس کے بعد شہر میں 2 روز کے دوران بند کئے گئے سکولوں کی تعداد 6 ہو گئی۔

ادھر خیبر پختونخوا حکومت نے صوبے بھر میں بازار شام 6 بجے بند کرنے کا حکم دے دیا، اطلاق میڈیکل سٹورز، تندور، پٹرول پمپ اور ہوٹلوں سے کھانا لے جانے پر نہیں ہوگا۔خیبر پختونخوا میں ہفتے اور اتوار کو مارکیٹیں بند اور معاشی سرگرمیاں معطل رہیں گی۔