ڈسٹرکٹ اینڈ سیشن کورٹ اسلام آباد نے سرکاری اداروں کے خلاف بغاوت پر اُکسانے کے کیس میں پی ٹی آئی رہنما شہباز گل کے ناقابل ضمانت وارنٹ گرفتاری جاری کردیے۔

گزشتہ سماعت پر پراسیکیوٹر نے شہباز گِل کے ناقابلِ ضمانت وارنٹ گرفتاری جاری کرنے کی استدعا کی تھی۔

ڈسٹرکٹ اینڈ سیشن کورٹ کے جج طاہرعباس سپرا نے کہا کہ ملزم کے پاس دو آپشن ہیں، ملزم اگر عدالت کے روبرو پیش ہوجائے تو وارنٹ منسوخ ہوجائیں گے، دوسرا یہ کہ ملزم کی جانب سے اگر آرڈر کو چیلنج کیا جائے۔عدالت نے استفسار کیا گل صاحب کب آرہے ہیں؟

جس پر شہباز گل کے وکیل نے کہا کہ شہباز گل کی اہلیہ کی سرجری ہونی ہے ابھی کنفرم نہیں۔

عدالت نے کیس کی سماعت 26 جون تک سماعت ملتوی کردی

سونے کی قیمتوں میں مسلسل کمی کا رجحان برقرار، فی تولہ مزید 1500روپےسستا ہو گیا۔

خالص 24قیراط فی تولہ سونا 2 لاکھ 28 ہزار روپےکا ہو گیا۔

نئی قیمت کے مطابق 22 قیراط فی تولہ سونا 2 لاکھ 9 ہزار 550 روپےمیں فروخت ہو رہا ہے جبکہ 21 قیراط فی تولہ سونے کی قیمت 2 لاکھ 25 روپےہو گئی ہے۔

دوسری جانب 10گرام چاندی کی قیمت 2800 روپےمقرر  ہو گئی ہے۔

حکومت سندھ نے مالی سال 1994-95ء میں وفاقی حکومت سے 2 ارب 23 کروڑ 83 لاکھ 67 ہزار روپے کیش ڈیولپمنٹ لون قرض لیا اور اس پر 30 برسوں میں 22 ارب 27 کروڑ 65 لاکھ 90 ہزار روپے سود ادا کیے۔

سندھ حکومت پر تاحال 13 ارب 29 کروڑ 25 لاکھ 50 ہزار روپے واجب الادا ہیں۔محکمہ خزانہ کے دستاویز کے مطابق مالی سال 2014-15ء تک 12 ارب 75 کروڑ 79 لاکھ 95 ہزار روپے ادائیگی کے باوجود 14 ارب 13 کروڑ 23 لاکھ روپے واجب الادا رہ گئے۔

مالی سال 2021-22ء میں 15 ارب 23 کروڑ 53 لاکھ روپے واجب الادا تھے۔رواں مالی سال کے دوران 4 ارب 21 کروڑ 74 لاکھ 30 ہزار روپے سود ادا کرنے کے باوجود ابھی تک 13 ارب 29 کروڑ 25 لاکھ 50 ہزار روپے ابھی تک واجب الادا ہیں۔

پرویز مشرف کے دور حکومت میں 2001ء میں کیش ڈیولپمنٹ لون پر سود ختم کرنے کا حکم دیا گیا تھا۔ مگر پرویزمشرف کے ہی حکم پر ان کی حکومت میں عملدرآمد نہیں ہوسکا۔