اپٹما کا عوام کیلئے کورونا ویکسین کی ایک لاکھ خوراکیں عطیہ کرنے کا اعلان

تفصیلات کے مطابق  چیئرمین اپٹما عادل بشیر کا کہنا ہے کہ  اپٹما عوام کے لئے کورونا ویکسین کی ایک لاکھ خوراکیں عطیہ کرے گا،  اپٹما نے کورونا ویکسین کی ایک لاکھ خوراکیں درآمد کرکے عطیہ کرنے کا فیصلہ کیا ہے،  یہ فیصلہ اپٹما کے ایک ہنگامی اجلاس میں کیا گیا ہے۔ اپٹما نے یہ فیصلہ کارپوریٹ سوشل ریسپانسبیلیٹی (سی ایس آر ) کے تحت کیا ہے۔

چیئرمین اپٹما کا کہنا ہے کہ  سرپرست اعلیٰ اپٹما گوہر اعجاز نے لیڈ رول ادا کرتے ہوئے ممبران کی توجہ اس معاملے کی جانب دلوائی،  اپٹماممبران ایک لاکھ کورونا ویکسین کی خوراکیں درآمد کرنے کے لئے فنڈ اکٹھا کریں گے۔ حکومت سے ایک پیسہ بھی نہیں لیا جائے گا۔

عادل بشیر کا کہنا ہے کہ  کورونا کی تیسری لہر انتہائی خطرناک ہے، اپٹما نے بروقت فیصلہ کرتے ہوئے عوام اور ملک کے وسیع تر مفاد میں یہ فیصلہ کیا ، کیلی حکومت اس وبا کا مقابلہ کر ہی نہیں سکتی، دیگر بزنس ایسوسی ایشنوں کو بھی سامنے آنا چاہیئے اور اپنا فرض ادا کرنا چاہیئے۔ اپٹما ممبران اس کار خیر میں بڑھ چڑھ کر حصہ لیں اور  کورونا کے خلاف حکومتی اقدامات کو مضبوط بنائیں گے۔