حکومت کا زکوٰۃ کی تقسیم کیلئے "مستحق" ایپ کا آغاز

تفصیلات کے مطابق  صوبہ خیبر پختونخوا میں وزیر زکوٰۃ اور عشر  انور زیب خان نے صوبہ میں زکوٰۃ فنڈز کی تقسیم میں شفافیت اور استعداد کار بڑھانے کے لئے "مستحق" موبائل ایپ کا آغاز کردیا ہے۔

اس موقع پر وزیر زکوٰۃ  اور عشر انور زیب خان نے خطاب کرتے ہوئے کہا کہ عام لوگ اس ایپ کے ذریعے محکمہ زکوٰۃ اور عشر کی خدمات اور سرگرمیوں کے بارے میں جامع معلومات حاصل کرسکیں گے۔

انہوں نے یہ بھی بتایا کہ اس ایپ میں زکوٰۃ  ہیڈ کے تحت علاج معالجے کی سہولیات کے علاوہ صحت سے وابستہ صحت کے اداروں ،  عہدیداروں اور ان کے پتے  کے بارے میں بھی جامع معلومات شامل ہوں گی۔ ان کا مزید کہنا تھا  کہ اس ایپلی کیشن  میں اردو ، پشتو ، اور انگریزی زبان میں تمام ضروری معلومات شامل کی جائیں گی تاکہ عام لوگوں کو آسانی ہو۔ایپ میں تمام ضلعی زکوٰۃ آفسوں کی زکوٰۃ  کمیٹیوں کے چیئرمینوں کے پتے اور فون نمبر بھی شامل ہیں۔

وزیر زکوٰۃ اور عشر انور زیب خان کے مطابق  اس  ایپ کو سٹیزن پورٹل سے بھی منسلک کیا گیا ہے  جس سے کسی بھی شہری کو آسانی سے ایپ کے ذریعے بکنگ یا شکایت جمع کرانے کی اجازت دی گئی  ہے۔