سعودی اوریو اے ای کے وزارئے خارجہ کا سوڈان میں جاری کشیدگی پر تبادلہ خیال

سوڈان میں جاری کشیدگی روکنے کے لیے سعودی عرب اور دوسرے ممالک سرگرم ہیں جس کے پیش نظر سعودی عرب کے وزیر خارجہ شہزادہ فیصل بن فرحان نے یو اے ای  ہم منصب شیخ عبداللہ بن زید النہیان کے ساتھ سوڈان کی صورتحال پر تبادلہ خیال کیا۔ دونوں وزراء نے سوڈان میں جنگ بندی کے قیام اور تشدد روکنے کے لیے بین الاقوامی برادری کے ساتھ مل کر کام کرنے پر اتفاق کیا۔

سعودی سرکاری پریس ایجنسی کے مطابق سعودی اور یو اے ای  وزرائے خارجہ نے فون بات کرتے ہوئے سوڈان میں متحارب فریقین کو جنگ بندی پر آمادہ کرنے کے لیے کوششیں جاری رکھنے پر اتفاق کیا۔

متحدہ عرب امارات کے وزیر خارجہ نے اس وقت جاری انخلاء کی کارروائیوں کے دوران متحدہ عرب امارات اور دنیا کے کئی ممالک کے شہریوں کو سوڈان سے مملکت واپس لانے کے عمل میں مملکت کے کردار کو بھی سراہا۔

یو اے ای خبر رساں ایجنسی  کی رپورٹ کے مطابق متحدہ عرب امارات کے وزیر خارجہ نے سوڈان سے اماراتی شہریوں کو نکالنے میں مدد کرنے پر اپنے سعودی ہم منصب کا شکریہ ادا کیا۔