ملک میں براہ راست بیرونی سرمایہ کاری میں اضافہ

ملک میں براہ راست بیرونی سرمایہ کاری میں جاری مالی سال کے پہلے دوماہ میں سالانہ بنیادوں پر16 فیصد کا اضافہ ریکارڈ کیا گیا۔

اسٹیٹ بینک کی جانب سے جاری کردہ اعدادوشمارکے مطابق جولائی اوراگست میں ملک میں براہ راست بیرونی سرمایہ کاری کاحجم 234 ملین ڈالر ریکارڈ کیا گیا جوگزشتہ مالی سال کی اسی مدت کے مقابلہ میں 16 فیصدزیادہ ہے، گزشتہ مالی سال کی اسی مدت میں ملک میں براہ راست بیرونی سرمایہ کاری کاحجم 201 ملین ڈالر ریکارڈ کیا گیا تھا۔

اگست میں ملک میں بیرونی سرمایہ کاری کاحجم 146 ملین ڈالررہا جوگزشتہ سال اگست کے مقابلہ میں 15 فیصدزیادہ ہے، گزشتہ سال اگست میں ملک میں براہ راست بیرونی سرمایہ کاری کاحجم 127 ملین ڈالرریکارڈکیاگیاتھا۔

اعدادوشمارکے مطابق جاری مالی سال کے پہلے دوماہ میں مجموعی غیرملکی سرمایہ کاری کاحجم 260 ملین ڈالرریکارڈکیاگیا جوگزشتہ مالی سال کی اسی مدت کے مقابلہ میں 48 فیصدزیادہ ہے، گزشتہ مالی سال کی اسی مدت میں ملک میں مجموعی غیرملکی سرمایہ کاری کاحجم 176 ملین ڈالرریکارڈکیاگیاتھا۔

اگست میں مجموعی غیرملکی سرمایہ کاری میں سالانہ بنیادوں پر30 فیصدکی نموہوئی۔جاری مالی سال کے پہلے دوماہ میں چین براہ راست غیرملکی سرمایہ کاری کرنے والے ممالک میں سرفہرست رہا، جولائی اوراگست میں چین نے پاکستان میں 50 ملین ڈالرکی براہ راست غیرملکی سرمایہ کاری کی.

گزشتہ سال کی اسی مدت میں پاکستان میں چین کی براہ راست غیرملکی سرمایہ کاری کاحجم38 ملین ڈالرریکارڈکیاگیاتھا۔نیدرلینڈ43ملین ڈالرکے ساتھ دوسرے اورسویٹزرلینڈ36 ملین ڈالرکے ساتھ تیسرا ملک رہا۔