اسرائیلی پولیس نے حماس کی حمایت پر عرب اسرائیلی اداکارہ کو حراست میں لے لیا

تل ابیب: اسرائیلی حکام نے معروف عرب اسرائیلی اداکارہ مائزہ عبدل ہادی کو اپنی سوشل میڈیا پوسٹس کے ذریعے فلسطینی گروپ حماس کی حمایت میں آواز اٹھانے کے الزام میں گرفتار کر لیا ہے۔

اسرائیلی پولیس نے ابتدا میں اداکارہ کا نام بتانے سے گریز کیا تاہم بعد میں انہوں نے اس کی شناخت کی تصدیق کی۔

مائسہ عبدل ہادی نے 85 سالہ قیدی یافا ادار کی تصاویر اور ویڈیو شیئرنگ پلیٹ فارم انسٹاگرام پر خوشگوار ایموجیز کے ساتھ شیئر کیں۔

اس نے ایک ویڈیو بھی پوسٹ کی جس میں حماس کے جنگجوؤں کو غزہ کی رکاوٹ کو توڑتے ہوئے اور اسرائیلی علاقے میں داخل ہوتے دکھایا گیا، جس کی وجہ سے اسے حراست میں لیا گیا۔

ویڈیو کے لیے اپنے ایک کیپشن میں، مائزہ عبدل ہادی نے لکھا، 'چلو برلن کے انداز میں چلتے ہیں۔'

37 سالہ اداکارہ کے پاس ایک وسیع پورٹ فولیو ہے، وہ متعدد ٹی وی سیریز، فلموں اور ڈراموں میں نظر آ چکی ہیں، انہیں 2011 میں دبئی فلم فیسٹیول میں بہترین اداکارہ کا ایوارڈ ملا۔

2021 میں، حیفا میں ایک پرامن مظاہرے میں حصہ لینے کے دوران، مائزہ عبدل ہادی اسرائیلی فورسز کی کارروائی کے دوران زخمی ہوئے۔