فابیو فوگنینی اور یوگو ہمبرٹ اے ٹی پی موزل اوپن ٹینس مینز سنگلز سیمی فائنل میں پہنچ گئے

پیرس: اٹلی کے ٹینس کھلاڑی فابیو فوگنینی اورفرانس کے کھلاڑی یوگو ہمبرٹ اپنی فتوحا ت کو جاری رکھتے ہوئے اے ٹی پی موزل اوپن ٹینس مینز سنگلز سیمی فائنل میں پہنچ گئے۔

اٹلی کے ٹینس کھلاڑی فابیو فوگنینی نے مردوں کے سنگلز مقابلوں کے کوارٹر فائنل میچ میں ہم وطن دفاعی چیمپئن لورنزو سونیگو کو شکست دے کر ٹاپ فور کے لئے کوالیفائی کیا جبکہ فرانس کے کھلاڑی یوگو ہمبرٹ نے ٹاپ ایٹ میچ میں ہم وطن حریف کھلاڑی ہیرالڈ میوٹ کو مات دے کر سیمی فائنل کے لئے کوالیفائی کیا۔

اے ٹی پی موزل اوپن ٹینس ٹورنامنٹ کے کانٹے دار مقابلوں کا سلسلہ فرانس کے شہر میٹزمیں جاری ہے۔ جمعہ کو مردوں کے سنگلز مقابلوں کے کوارٹر فائنل میچ میں کے ٹینس کھلاڑی فابیو فوگنینی نے شاندار کارکردگی کا مظاہرہ کرتے ہوئے ہم وطن دفاعی چیمپئن لورنزو سونیگو کو سٹریٹ سیٹس میں 1-6 اور 2-6 سے شکست دے کر سیمی فائنل کے لئے کوالیفائی کیا ، جہاں ان کا مقابلہ یوگو ہمبرٹ سے ہوگا۔

ایک اور میچ فرانس کے کھلاڑی یوگو ہمبرٹ نے عمدہ کھیل پیش کرتے ہوئے ہم وطن حریف کھلاڑی ہیرالڈ میوٹ کو سٹریٹ سیٹس میں 3-6 اور 5-7 سے مات دے کر سیمی فائنل کے لئے کوالیفائی کیا۔