ملک میں پٹرولیم مصنوعات کی درآمدات میں سالانہ بنیادوں پر کمی

ملک میں پٹرولیم مصنوعات کی درآمدات میں جاری مالی سال کے پہلے 4 ماہ میں سالانہ بنیادوں پر 8 فیصد کی کمی ریکارڈکی گئی ہے۔

اوسی اے سی اوگرا اور انڈسٹری کے اعدادوشمار کے مطابق مالی سال کے پہلے 4 ماہ میں77 لاکھ 19 ہزار ٹن پٹرولیم مصنوعات کی درآمدات ریکارڈکی گئی ہے جو گزشتہ مالی سال کی اسی مدت کے مقابلہ میں 8 فیصد کم ہے۔ گزشتہ مالی سال کی اسی مدت میں83 لاکھ 83 ہزار ٹن پٹرولیم مصنوعات کی درآمدات کی گئی تھیں۔ اکتوبر 2023 میں20 لاکھ 83 ہزار ٹن پٹرولیم مصنوعات کی درآمدات ریکارڈکی گئی جو گزشتہ سال اکتوبر کے مقابلہ میں ایک فیصد زیادہ ہے ۔

گزشتہ سال اکتوبر میں 20 لاکھ 64 ہزار ٹن پٹرولیم مصنوعات کی درآمدات ریکارڈ کی گئیں۔ ستمبر کے مقابلہ میں اکتوبر میں پٹرولیم مصنوعات کی درآمدات پر ماہانہ بنیادوں پر 7 فیصد کی نمو ہوئی۔ ستمبر میں 19 لاکھ 55 ہزار ٹن پٹرولیم مصنوعات کی درآمدات ریکارڈکی گئیں جو اکتوبر میں بڑھ کر20 لاکھ 64 ہزار ٹن ہو گئی۔

اعدادوشمار کے مطابق مالی سال کے پہلے 4 ماہ میں 21 ہزار ٹن ہائی سپیڈڈیزل کی درآمدات ریکارڈکی گئی جو گزشتہ مالی سال کی اسی مدت کے مقابلہ میں 41 فیصد کم ہے۔ گزشتہ مالی سال کی اسی مدت میں 7 لاکھ 18 ہزار ٹن ہائی سپیڈ ڈیزل کی درآمدات ریکارڈ کی گئی تھی۔ مالی سال کے پہلے 4 ماہ میں 26 لاکھ 37 ہزار ٹن خام تیل کی درآمدات ریکارڈکی گئیں جو گزشتہ مالی سال کی اسی مدت کے مقابلہ میں ایک فیصد زیادہ ہے۔

گزشتہ مالی سال کی اسی مدت میں 26 لاکھ 4 ہزار  ٹن خام تیل کی درآمدات ریکارڈکی گئیں۔ مالی سال کے پہلے 4 ماہ میں 28 لاکھ 16 ہزار ٹن ایل این جی کی درآمدات ریکارڈکی گئی جو گزشتہ مالی سال کی اسی مدت کے مقابلہ میں 8 فیصد زیادہ ہے۔ گزشتہ مالی سال کی اسی مدت میں26 لاکھ 6 ہزار ٹن ایل این جی کی درآمدات ریکارڈکی گئی تھی