پنجاب میں ماسک پہننا لازمی قرار، نوٹیفکیشن جاری

پنجاب حکومت نے اسموگ سے متاثرہ صوبے میں ایک ہفتے کے لئے ماسک پہننے کی پابندی عائد کردی ہے۔ نگران پنجاب حکومت کا کہنا ہے کہ صحت کو ترجیح دینا ہماری اجتماعی ذمہ داری ہے۔

سوشل پلیٹ فارم ایکس پر نگران وزیر اعلیٰ پنجاب محسن نقوی نے اپنے ٹویٹ میں کہا کہ پنجاب حکومت نے اسموگ سے متاثرہ اضلاع کے تمام شہریوں میں فیس ماسک پہننا لازمی قرار دے دیا ہے، اور صوبائی حکومت کی جانب سے جاری نوٹیفکیشن بھی پوسٹ کیا ہے۔

In response to deteriorating Air Quality, the Punjab Government announces a 1-week mandate for wearing of face masks for all citizens in smog effected districts of Punjab. Prioritising health is our collective responsibility. Please adhere to the guidelines for a safer community. pic.twitter.com/qe3jBdUjvY

— Mohsin Naqvi (@MohsinnaqviC42) November 19, 2023

محسن نقوی کا کہنا تھا کہ متاثرہ اضلاع میں ایک ہفتے کے لئے ماسک لازمی قرار دیا گیا ہے، صحت کو ترجیح دینا ہماری اجتماعی ذمہ داری ہے، عام سے درخواست ہے کہ محفوظ معاشرے کے لئے ہدایات پر عمل کریں۔

واضح رہے کہ لاہور، فیصل آباد اور گوجرانوالہ سمیت پنجاب کے کئی شہروں میں آج بھی اور کئی دنوں سے فضائی آلودگی کی خطرناک صورتِ حال ہے، متعدد شہروں میں اسموگ کے باعث نزلہ زکام، بخار اور گلے میں انفیکشن کی شکایات سامنے آ رہی ہیں۔