امریکہ میں انتہا پسندی شخص کی فائرنگ ، تین فلسطینی طلباء شدید زخمی

امریکی ریاست ورمونٹ کے علاقے برلنگٹن میں مسلح انتہا پسند شخص نے فائرنگ کرکے تین فلسطینی طلبہ کو شدید زخمی کردیا۔ حملے کے وقت تینوں نوجوان روایتی فلسطینی رمال کفیہ پہنے ایک تقریب میں شرکت کرنے جا رہے تھے، تینوں مقبوضہ مغربی کنارے سے تعلق رکھتے ہیں۔ پولیس کے مطابق ہسپتال میں زیر علاج تینوں طالب علموں میں سے دو کی طبیعت خطرے سے باہر ہے تاہم ایک کی حالت اب تک نازک بتائی جارہی ہے۔

Three young Palestinian men, Hisham Awartani, Tahseen Ali and Kenan Abdulhamid, students at Brown and other US universities, were shot last night on their way to a family dinner in Burlington, USA. Their crime? Wearing the Palestinian keffiyeh. They are critically injured. And… pic.twitter.com/OwafFkHwg4

— Husam Zomlot (@hzomlot) November 26, 2023

پولیس کے مطابق 2 طالب علم اپنے تیسرے دوست کے گھر تھینکس گونگ چھٹی منانے کیلئے آئے ہوئے تھے، طالب علموں کو گولیوں کا نشانہ بنانے کے بعد حملہ آور فرار ہو گیا جبکہ پولیس کی جانب سے حملہ آور کی تلاش جاری ہے۔ اہل خانہ نے فائرنگ کو نفرت انگیز جرم قرار دیا ہے جبکہ امریکی پولیس فائرنگ کے واقعے کی تحقیقات کر رہی ہے۔

دوسری جانب فلسطینی وزارت خارجہ نے طلبہ پر فائرنگ کے واقعہ کی شدید مذمت کرتے ہوئے کہا زخمی طلبہ کے نام ہشام، کنعان عبدالحمید اور تحسین احمد ہیں۔ وزارت خارجہ ترجمان نے امریکا سے ملزمان کی فوری گرفتاری کا مطالبہ کیا ہے۔