ڈاکٹر ندیم جان کی آن لائن اندراج اور لائسنس کے اجراء کا افتتاح

وفاقی وزیر صحت ڈاکٹر ندیم جان نے آج(بدھ) اسلام آباد میں ڈرگ ریگولیٹری اتھارٹی میں آن لائن اندراج اور لائسنس کےاجراء کے نظام کا افتتاح کیا۔

 اس موقع پر خطاب کرتے ہوئے وزیر صحت نے کہا کہ اس اقدام کا مقصد ادویہ ساز کمپنیوں اور عوام کو در پیش مشکلات کم کرنا ہے۔

 ڈاکٹر ندیم جان نے کہا کہ ڈرگ ریگولیٹری اتھارٹی میں شفافیت کو یقینی بنانے کےلئے کوششیں کی جارہی ہیں۔

انہوں نے کہا کہ اس نظام کو ڈیجیٹلائز کرنے کے بعد ادویات کی مصنوعی قلت کا مسئلہ بھی حل ہوجائے گا۔