روس، مصنوعی ذہانت سے چلنے والے ٹریکٹرز سے 2023 کے دوران 23 لاکھ ہیکٹر اراضی کاشت

ماسکو: روسی کمپنی کے تیار کردہ مصنوعی ذہانت سے چلنے والے ٹریکٹرز نے گزشتہ سال کے دوران 23 لاکھ ہیکٹر سے زیادہ اراضی کاشت کی۔

تاس کی رپورٹ کے مطابق روسی کمپنی کوگنیٹو پائلٹ نے اے آئی پر مبنی کوگنیٹو ایگرو پائلٹ سسٹم سے لیس ٹریکٹرز بارے تفصیلات جاری کی ہیں جن کے مطابق ملک میں آٹو پائلٹ والے ٹریکٹرز کا بڑے پیمانے پر استعمال 2023 میں شروع ہوا۔

کمپنی اے آئی ٹیکنالوجیز پر مبنی کوگنیٹو ایگرو پائلٹ ایگریکلچر مشینری کا خود کار کنٹرول سسٹم تیار کر رہی ہے جس سے آپریٹر کے لیے معاون روبوٹ کو کنٹرول کرنا ممکن ہو ا ہے۔

کوگنیٹو پائلٹ کے جائزے کے مطابق خود سے چلنے والے ٹرک کے ذریعے کھیت کی پیداواری صلاحیت میں 25 فیصد اضافہ اور کھادوں اور بیجوں پر 20 تا 40 فیصد تک بچت ممکن ہوتی ہے، اس نظام کے ساتھ بڑے پیمانے پر ٹریکٹروں کا استعمال روس میں زرعی شعبے میں گزشتہ سال شروع ہوا۔