سوئی سدرن کمپنی کا بھی گیس کی قیمتوں میں اضافے کا مطالبہ

سوئی سدرن کمپنی نے بھی گیس کی قیمت میں اضافے کا مطالبہ کردیا۔

سوئی سدرن نے گیس کی قیمت میں یکم جولائی سے 226 روپے فی ایم ایم بی ٹی یو اضافہ مانگا ہے۔ آئل اینڈ گیس ریگولیٹری اتھارٹی (اوگرا)کے مطابق سوئی سدرن نے گیس میں اضافے کی درخواست جمع کرا دی ہے جو کہ رواں مالی سال کی ریونیو ضروریات کی مد میں دی گئی ہے۔

سوئی سدرن کا رواں مالی سال 47 ارب 77 کروڑ روپے ریونیو شارٹ فال کا تخمینہ ہے، بلوچستان میں ریونیو شارٹ فال کا تخمینہ 95 روپے 40 پیسے فی ایم ایم بی ٹی یو لگایا گیا ہے۔  ٹرانسمیشن اور ڈسٹری بیوشن لاگت کی مد میں 150روپے 67 پیسے فی ایم ایم بی ٹی یو مانگے گئے ہیں۔

اوگرا کے مطابق سوئی سدرن کی درخواست کی 18 دسمبر کو کراچی میں سماعت ہوگی، سوئی سدرن کی موجودہ اوسط گیس قیمت 1470روپے 21 پیسے فی ایم ایم بی ٹی یو ہے جب کہ کمپنی نے نئی اوسط قیمت 1696روپے 39 پیسے فی ایم ایم بی ٹی یو کی درخواست کی ہے