الیکشن کمیشن کا عام انتخابات کے لئے کاغذات نامزدگی کے لیے ہدایت نامہ

الیکشن کمیشن نے عام انتخابات کے لئے کاغذات نامزدگی لینے والے امیدواروں کے لیے ہدایت نامہ جاری کر دیا ہے۔

الیکشن کمیشن کے مطابق کاغذات نامزدگی کا ایک فارم حاصل کرنے کی فیس 100 روپے ہے،کاغذات نامزدگی 20 سے 22 دسمبر تک جمع کروائے جا سکتے ہیں۔امیدوار مختلف تجویز اور تائید کنندگان کے ساتھ 5 کاغذات نامزدگی جمع کروا سکتا ہے۔

#ECP pic.twitter.com/iPkVqzZiGK

— Election Commission of Pakistan (OFFICIAL) (@ECP_Pakistan) December 19, 2023

ہدایت نامے کے مطابق امیدوار کوقومی اسمبلی کی نشست کے لئے ناقابل واپسی 30 ہزار روپے فیس جمع کروانا ہو گی جبکہ صوبائی اسمبلی کی نشست کے لیے 20 ہزار روپے فیس جمع کرانی ہوگی، الیکشن کمیشن کے مطابق کاغذات نامزدگی آراو سے صبح 8 سے دوپہر 3 بجے تک حاصل کیے جا سکتے ہیں۔

کاغذات نامزدگی کے ساتھ تجویزو تائید کنندہ کے شناختی کارڈ کی مصدقہ نقول منسلک کرنا ہو گی، تجویز اور تائید کنندہ کو اپنا ووٹر سرٹیفکیٹ بھی جمع کروانا ہوگا۔امید وار گزشتہ تین سال کا انکم ٹیکس ریٹرن کاغذات نامزگی کے ساتھ منسلک کرے گا اس کے علاوہ امیدوار کی جانب سے پاسپورٹ کی مکمل نقل کاغذات نامزدگی کے ساتھ منسلک کی جائے گی۔