بانی چیئرمین پی ٹی آئی کے این اے 89 سے کاغذات نامزدگی جمع

بانی چیئرمین پاکستان تحریک انصاف عمران خان کے میانوالی کے حلقہ این اے 89 سے کاغذات نامزدگی جمع کرا دیئے گئے، گزشتہ روز عمران خان نے اڈیالا جیل میں اپنےکاغذات نامزدگی پر دستخط کیے تھے۔

الحمدللہ عمران خان صاحب کے اپنے حلقے میاںوالی سے کاغذات نامزدگی جمع ہو گئے ہیں!!!#ImranKhan pic.twitter.com/awdE8XU5Yn

— Seemabia Tahir (@seemabiatahir) December 22, 2023

این اے 89 میانوالی میں ریٹرننگ افسر کے دفتر میں عمران خان کے کاغذات نامزدگی جمع کرا دئیے گئے ہیں ۔ چئیرمین تحریک انصاف بیرسٹر گوہر نے اعلان کیا تھا کہ عمران خان میانوالی ، اسلام آباد اور لاہور کے حلقوں سے قومی اسمبلی کے انتخابات میں حصہ لیں گے۔

بانی تحریک انصاف  کے  کاغذات نامزدگی ایڈووکیٹ لالمیا نیازی نے ریٹرننگ آفیسر کفایت اللہ کے پاس جمع کرائے ۔سابق چیئرمین کے کاغذات نامزدگی کی جانچ پڑتال 29 دسمبر کو ہوگی۔