پیپلز پارٹی آج گجرات میں پاور شو کرے گی

گجرات: پاکستان پیپلز پارٹی (پی پی پی) آج (جمعرات) گجرات میں پاور شو کرے گی جس سے چیئرمین بلاول بھٹو زرداری دوپہر 2 بجے خطاب کریں گے۔

تفصیلات کے مطابق گجرات کے رائس ملز گراؤنڈ میں ہونے والے جلسے کی تیاریاں مکمل کر لی گئی ہیں۔

یہ بھی اطلاع ہے کہ جلسے میں 10 ہزار کرسیاں لگائی گئی ہیں، اور سٹیج تیار ہے۔ جبکہ سکیورٹی کے بھی تمام انتظامات مکمل کر لیے گئے ہیں۔

گزشتہ روز سرگودھا میں جلسے سے خطاب کرتے ہوئے پیپلز پارٹی کے چیئرمین بلاول بھٹو زرداری نے کہا کہ اپنے دور حکومت میں کسی سیاسی قیدی کو نہیں چھوڑیں گے۔

بلاول بھٹو نے مزید کہا کہ میں مخالفین کی بہنوں بیٹیوں کو جیل میں ڈالنے کی اجازت نہیں دے سکتا۔ عوام اپنا ووٹ ضائع نہ کریں، اب مقابلہ شیر اور تیر کا ہے۔