انگلینڈ کی بھارت کو پہلے ٹیسٹ میچ میں شکست

انگلینڈ نے بھارت کو پانچ میچوں کی سیریز کے پہلے ٹیسٹ میچ میں 28 رنز سے شکست دے دی۔

انگلش اسپنر ٹام ہارٹلی نے دوسری اننگز میں شاندار بولنگ کا مظاہرہ کرتے ہوئے  26.2 اوورز میں 62 رنز دے کر 7 وکٹیں حاصل کیں۔

دوسری اننگز میں ہدف کے تعاقب میں بھارتی بلے باز بری طرح ناکام ثابت ہوئے، کپتان روہت شرما سات چوکوں کی مدد سے 39 رنز بناکر ٹاپ اسکورر رہے۔

Two young stars sizzled in a remarkable win for England in Hyderabad ✨#WTC25 | #INDvENG Report ?https://t.co/wDTVIPlCWL

— ICC (@ICC) January 28, 2024

اس سے قبل انگلینڈ کی ٹیم پہلی اننگز میں 246 پر آل آؤٹ ہوگئی تھی جس کے جواب میں بھارت نے اپنی پہلی اننگز میں 436 رنز بنائے تھے۔

انگلینڈ نے اپنی دوسری اننگز میں اولی پوپ کی 196 رنز کی شاندار اننگز کی بدولت 420 رنز بنائے اور 190 رنز خسارہ کے ساتھ بھارت کو جیت کیلئے 231 رنز کا ہدف دیا تاہم بھارت کی پوری ٹیم اپنی دوسری اننگز میں 202 رنز پر ڈھیر ہوگئی۔

بھارت اور انگلینڈ کے درمیان سیریز کا دوسرا ٹیسٹ 2 فروری سے وشاکھاپٹنم میں کھیلا جائے گا۔