امیر بالاج ٹیپو قتل کیس، ملزم طیفی بٹ کی گرفتاری کیلئے پولیس کا وزارت داخلہ سے رابطہ

امیربالاج ٹیپو کے قتل کیس میں مطلوب ملزم کی گرفتاری کے لیےپولیس نے وزارت داخلہ سے رابطہ کر لیا۔

ذرائع کے مطابق امیر بالاج ٹیپو قتل کیس میں مطلوب ملزم طیفی بٹ کی گرفتاری کے لیے پولیس نے وزارت داخلہ سے رابطہ کرلیا۔ پولیس مبینہ ملزم طیفی بٹ کے ریڈ وارنٹ حاصل کرے گی۔

پولیس حکام کے مطابق کیس سے متعلق تحقیقاتی پولیس ٹیم ریڈ وارنٹ کے بعد انٹرپول سے رابطہ کرے گی۔ طیفی بٹ امیر بالاج قتل کی رات کراچی سے دبئی فرارہو گیا تھا۔

پولیس کا کہنا ہے کہ وقوعہ کی جیو فینسنگ کرکے 500 کالز کو شارٹ لسٹ کر لیا گیا۔ ملزمان تک جلد از جلد پہنچنے کے لیے ان کالوں کو مزید شارٹ لسٹ کیا جائے گا۔ قتل کیس میں نامزد دوسرے روپوش ملزم گوگی بٹ کی گرفتاری کے لیے چھاپے مارے جا رہے ہیں۔

واضح رہے کہ امیربالاج ٹیپو کو جس شخص نے ٹارگٹ کیا تھا وہ طیفی بٹ کا ملازم نکلا ہے اور 22 سال سے اس کے لئے کام کرتا تھا۔