پی ایس ایل 9 ، سلطانز کا گلیڈی ایٹرز کو جیت کیلئے 181 رنز کا ہدف

 پاکستان سپر لیگ سیزن 9 کے 11ویں میچ میں ملتان سلطانز نے کوئٹہ گلیڈی ایٹرز کو جیت کیلئے 181 رنز کا ہدف دے دیا۔

ملتان کرکٹ سٹیڈیم میں کھیلے جا رہے میچ میں کوئٹہ گلیڈی ایٹرز نے ملتان سلطانز کیخلاف ٹاس جیت کر فیلڈنگ کا فیصلہ کیا۔

ملتان سلطانز کی ٹیم نے پہلے کھیلتے ہوئے مقررہ اوورز میں 4 وکٹوں کے نقصان پر 180 رنز بنائے۔

ملتان سلطانز کے ریزا ہینڈرکس 72 اور کپتان محمد رضوان 51 رنز کے ساتھ نمایاں رہے جبکہ عثمان خان نے 14 رنز سکور کئے، طیب طاہر 35 اور خوشدل شاہ 1 رن کے ساتھ ناٹ آؤٹ رہے جبکہ افتخار احمد بغیر کوئی رن بنائے پویلین لوٹ گئے۔

The final match in Multan sees an action-packed first innings with Reeza and Rizwan hitting fifties to lift Sultans to 180-4 ?#HBLPSL9 | #KhulKeKhel | #MSvQG pic.twitter.com/XXCrkWQBne

— PakistanSuperLeague (@thePSLt20) February 25, 2024

کوئٹہ گلیڈی ایٹرز کی جانب سے محمد عامر نے 2 کھلاڑیوں کو پویلین کی راہ دکھائی جبکہ عقیل حسین اور ابرار احمد نے ایک ایک وکٹ حاصل کی۔

ملتان سطانز اب تک ایونٹ میں اپنے چار میچز کھیل چکی ہے جس میں تین میں فاتح رہی اور ایک میں اسے شکست کا سامنا رہا جبکہ کوئٹہ گلیڈی ایٹرز اب تک تین میچز کھیل کر ناقابل شکست رہی ہے۔

ملتان سلطان اسکواڈ میں محمد رضوان، عثمان خان، ریزہ ہینڈرک، طیب طاہر، افتخار احمد، خوشدل شاہ، ڈیوڈ ویلی، اسامہ میر، آفتاب ابراہیم، عباس آفریدی اور محمد علی شامل ہیں 

جبکہ کوئٹہ گلیڈی ایٹر کی ٹیم میں جیسن روئے، سعود شکیل، خواجہ نافع، ریلی روسو، سرفراد احمد، عقیل حسین، محمد وسیم، عثمان طارق، محمد عامر اور ابرار احمد شامل ہیں۔