پیپلز پارٹی کے سید اویس قادر شاہ اسپیکر سندھ اسمبلی منتخب

پیپلز پارٹی کے امیدوار سید اویس قادر شاہ اسپیکر سندھ اسمبلی منتخب ہو گئے۔

اسپیکر آغا سراج درانی کی زیر صدارت ہونے والے اجلاس میں سنی اتحاد کونسل میں شامل ہونے والے 9 آزاد ارکان اور جماعت اسلامی کے رکن محمد فاروق نے حلف اٹھایا۔آغا سراج درانی نے شرجیل میمن، سعید غنی، ندا کھوڑو اور علی خورشیدی کو پینل آف اجلاس نامزد کیا۔

اسپیکر اور ڈپٹی اسپیکر سندھ اسمبلی کا چناؤ خفیہ رائے شماری کے ذریعے کیا گیا، تاہم سنی اتحاد کونسل کے اراکین نے ووٹنگ کے عمل کا بائیکاٹ کیا ہے اور نام پکارے جانے پر سنی اتحاد کونسل کے اراکین ووٹ ڈالنے نہیں آئے۔

اسپیکر کے پیپلز پارٹی کے امیدوار اویس قادر شاہ اور ڈپٹی اسپیکر کے لئے نوید انتھونی کے کاغذات درست قرار دے دیئے گئے جبکہ ایم کیوایم پاکستان کی نامزد کردہ اسپیکر کی امیدوار صوفیہ سعید شاہ اور ڈپٹی اسپیکر کیلئے راشد خان کے کاغذات نامزدگی بھی درست قرار پائے۔

پولنگ کا عمل ختم ہونے کے بعد پیپلز پارٹی کے اویس قادر 111 ووٹ کےلئے اسپیکر سندھ اسمبلی منتخب ہوئے۔