پنجاب اور سندھ کے وزرائے اعلیٰ کا انتخاب آج کیا جائے گا

لاہور: پنجاب اور سندھ اسمبلی کے اراکین وزیراعلیٰ کے عہدے کے لیے آج (پیر) کو ووٹ کاسٹ کریں گے۔ پنجاب میں پاکستان مسلم لیگ (ن) اور سنی اتحاد کونسل (ایس آئی سی) کے امیدوار جبکہ سندھ میں پاکستان پیپلز پارٹی (پی پی پی) اور متحدہ قومی موومنٹ پاکستان (ایم کیو ایم-پی) کے امیدوار آمنے سامنے ہوں گے۔ دوسرے

تفصیلات کے مطابق وزیراعلیٰ پنجاب کے انتخاب میں مسلم لیگ ن کی امیدوار مریم نواز اور ایس آئی سی کے رانا آفتاب احمد آمنے سامنے ہوں گے۔

مسلم لیگ (ن) کے ارکان نے مریم نواز کے کاغذات نامزدگی جمع کرا دیے ہیں جو سیکرٹری پنجاب اسمبلی چوہدری عامر حبیب نے وصول کر لیے۔

سنی اتحاد کونسل کے نامزد امیدوار رانا آفتاب احمد کے کاغذات نامزدگی بھی جمع کرائے گئے۔

دوسری جانب سندھ اسمبلی میں پیپلز پارٹی اور ایم کیو ایم پاکستان نے انتخابات کے لیے سندھ اسمبلی کے سیکریٹری کو کاغذات نامزدگی جمع کرا دیے۔

پیپلز پارٹی کے امیدوار مراد علی شاہ کے کاغذات نامزدگی پیپلز پارٹی کے رہنماؤں غلام قادر چانڈیو، نعیم کھرل اور دیگر نے جمع کرائے تھے۔ جبکہ ایم کیو ایم پاکستان کے امیدوار علی شوری نے اپنے کاغذات نامزدگی خود جمع کرائے ۔