بھارتی غزل گائیک پنکج ادھاس73 سال کی عمر میں انتقال کر گئے

بھارت کے عالمی شہرت یافتہ غزل گائیک پنکج ادھاس 73 سال کی عمر میں انتقال کرگئے۔ 

پنکج ادھاس کا انتقال پیر کی صبح گیارہ بجے ممبئی کے بریچ کینڈی اسپتال میں ہوا۔ وہ طویل عرصے سے بیمار تھے۔

پنکج ادھاس نے کم و بیش پچاس سال تک غیر فلمی غزلوں اور گیتوں سے کروڑوں شائقین کے دلوں پر راج کیا۔

پنکج کو 1983 میں فلم ’نام‘ کے لیے گائے ہوئے گیت ’چٹھی آئی ہے‘ کے ذریعے ایشیا بھر میں بھرپور شہرت ملی۔