جج ہونا کوئی نوکری نہیں بلکہ آزمائش اور امتحان ہے، چیف جسٹس لاہور ہائی کورٹ

چیف جسٹس لاہور ہائیکورٹ امیر بھٹی نے کہا ہے کہ جج ہونا کوئی نوکری نہیں بلکہ آزمائش اور امتحان ہے۔

جوڈیشل افسران کی حلف برداری کی تقریب سے خطاب کرتے ہوئے جیف جسٹس لاہور ہائی کورٹ امیر بھٹی نے کہا کہ ہمیں اپنے فیصلوں کی بدولت عزت ار احترام برقرار رکھنا ہوتا ہے، ہر فیصلے کے ساتھ جج کا کردار منسلک ہوتا ہے۔۔فخر ہے کہ میں نے کبھی کسی کے کہنے پر اپنا فیصلہ تبدیل نہیں کیا۔ نیک نیتی کے ساتھ انصاف کی فراہمی کو یقینی بنائیں۔

چیف جسٹس نے کہا کہ  ہم اپنے فیصلوں کے بارے میں اللہ کو جوابدہ ہیں،محشر میں سب سے پہلے انصاف سے منسلک افراد سے سوال ہوگا۔ اللہ تعالیٰ انصاف کرنے والوں کو چنتا ہے،جج کے نام کے ساتھ عزت و احترام ہمیشہ منسلک رہتا ہے،عزت و احترام اپنے فیصلوں کی بدولت برقرار رکھنا ہوتا ہے۔

انہوں نے نئے ججز کو تلقین کی کہ ہمارے رشتہ دار بیشک ناراض ہو جائیں لیکن پروردگار کی ناراضگی کو کبھی دعوت نہ دینا، اللہ کی رضا کے لئے نیک نیتی کے ساتھ انصاف کی فراہمی کو یقینی بنائیں۔

چیف جسٹس امیر بھٹی نے کہا کہ بطور جج ہونا کوئی نوکری نہیں بلکہ آزمائش اور امتحان ہے،ہر فیصلے کیساتھ جج کا کردار منسلک ہوتا ہے،ایک دفعہ کردار پر لگا داغ صاف نہیں ہوگا۔