گوگل نے اینڈرائڈکیلئے اہم فیچر متعارف کروادیا

تفصیلات کے مطابق گوگل کروم صارفین کی دلچسپی بڑھانے کےلیے آئے روز مختلف اور دلچسپ فیچر زپر کام کرتی رہتی ہے ۔ اس بار کمپنی کی جانب سے کروم کے ایڈیٹر آپشن میں بلٹ ان اسکرین شاٹ کا فیچر شامل کیا گیا ہے۔

گوگل کروم کا یہ نیا فیچر  غیر ضروری مواد فریم سے باہر کرنے اور مخصوص ٹیکسٹ کے اضافے کی اجازت کے ساتھ متعارف کروایاگیا ہے۔اگرچہ Vivaldi جیسے بہت سے  براؤزرز اپنے  صارفین کو کچھ مخصوص ویب پیج کیلئے ( بغیر کروپ اور غیر ضروری مواد کو فریم سے باہر کیے) بلٹ ان اسکرین شاٹ ٹول کی سہولت فراہم کرتے ہیں ۔

گوگل کروم کے اس نئے فیچر کے تحت اب صارفین  کسی بھی ویب پیچ کا اسکرین شاٹ لے سکتے ہیں ، اس کے علاوہ  اس اسکرین شاٹ کو کسی کو بھیجنے یا پرنٹ کرنے سے پہلے ،اور براؤزر سے ہٹے بغیر اس میں باآسانی ترمیم (کروپ، لفظوں یا ہائی لائٹس کااضافہ )بھی کرسکتے ہیں ۔

 رپورٹ میں کہا گیا ہے کہ  نیا فیچر اینڈرائڈ کیلئے گوگل کے ورژن 91میں شامل کیا گیا ہے جو ایڈریس بار کے ساتھ ساتھ ویب پیج کو بھی کیپچر کرسکے گا۔ اینڈرائڈ صارفین کیلئے یہ نیا  فیچر  شیئر مینو کے آپشن میں کاپی لنک کے فیچر سے قبل اسکرین شاٹ کے طور پر موجود ہے ۔