چیلسی نے دوسری بار یورپیئن فٹبال کا تاج سر پر سجا لیا

غیر ملکی خبر رساں ادارے کے مطابق  پرتگال میں چیمپئنزلیگ کا فائنل ہوا، انگلش کلب چیلسی اور ہم وطن کلب مانچسٹر سٹی میں بڑے ٹائٹل کیلئے بڑا مقابلہ ہوا،چیلسی نے فیورٹ ٹیم مانچسٹر سٹی کیخلاف شاندار پرفارمنس کا مظاہرہ کیا۔

بیالیس ویں منٹ میں چیلسی نے گول کر کے ایک صفر کی برتری حاصل کی جو آخر تک برقرار رہی،چیلسی نے دوسری بار میگا ایونٹ کا تاج سر پر سجانے کا اعزاز حاصل کیا،کھلاڑیوں نے ٹرافی کیساتھ جیت کا خوب جشن منایا۔

ٹیم کی فتح پر مداحوں کی خوشی کا ٹھکانہ بھی نہ رہا،شائقین نے کورونا ایس او پیز ہوا میں اڑا دیئے،ہزاروں کی تعداد میں فینز سڑکوں پر امڈ آئے،منچلوں نے بڑی جیت کا بھرپور جشن منایا۔